Birthday

Saal mein aane wala yeh ek din

Har kisi ke liye apne apne mayne rakhta hai

Bachpan mein iski baat hi kuch aur thi

Cake mangana , doston ko ghar bulake woh apne ghar wala rob jatana

Gifts ! Unhe kaun bhul sakta tha?

Darasal bhul toh hum sabhi jate hai

Unki kimaton se zyada un kimti palon ko piche chod aate hai

Sabhi ke jane ke baad , ek ek kar gift wrap kholna

Kisne kya kya diya hai puri list yaad kar ghanto tak gharwalo ko bolna

Yaad hai ? Khush hona kitna aasan tha

Paese kuch kam sahi , yaaron se bhara bachpan ka aasmaan tha

Lakdi dandiyo se bane humare cellphone , aaj ke smartphone k muqable kitne acche the

Unn badi badi pedon mein chipke khelna yaad hai?

Waqt ne humein jaese bin puche badal diya

Na gham manane ki khushi di na khushi dhundhne ka hal diya

Yun toh saal bhar mauken dhundhte rahe jashn manane ko

Aaj woh yaar bhi kaese janamdin par bahane banata hai kharchein ghatane ko

Yaad hai? Wo din jab paese milate hum cricket ki gend khilane k liye

Aaj woh sare dost bhi nahi sath tumhare janmdin manane k liye

badal gayi hai purane saare rishte

Ab zindagi mein bohot zimmedari hai aur har mahine nayein kishte

Jitna kamaya kam lagta hai

Lagta thora aur kama le

Khushi kharida jata gar toh

Khush na hote kaware